HATAW! D'yaryo ng Bayan hatawtabloid.com
ALAM MO NA!
ni Nonie Nicasio
HABANG nasa kasagsagan ng shooting ng pelikulang Bugso ay nakipag chat kami kay Hershie de Leon.
Tampok sa Bugso ang Urian Best Actor na si Sid Lucero at Ayanna Misola. Mula sa pamamahala ni Direk Adolfo Borinaga Alix Jr., ito’y hatid ng 3:16 Media Network ni Ms. Len Carrillo.
Ipinahayag ni Hershie ang kasiyahan sa pagiging bahagi ng pelikulang ito, na masasabing isa siya sa mga bida.
Wika niya, “So far ito po ang masasabing biggest break ko, kaya masaya po ako dahil naging part ako ng Bugso.”
Game ba siyang makipagsabayan kay Ayanna sa pagpapa-sexy?
“Hindi naman po ito ang first time namin na magkasama ni Ayanna sa isang movie, sa Putahe po, roon kami unang nagkasama,” pakli ng magandang aktres.
Kumusta katrabaho noon si Ayanna sa Putahe? “Okay naman po, tahimik po siya at hindi siya masyadong palaimik,” matipid na pahayag ni Hershie.
May patalbugan bang mangyayari sa kanila ni Ayanna sa pagpapa-sexy sa Bugso?
Nakangiting tugon ni Hershie, “Wala pong patalbugan, mas okay po kasi kung magtutulungan kami para mas gumanda pa ang movie namin.”
Incidentally, si Hershie ay mapapanood din sa pelikulang Fall Guy na mayroon siyang mainit na love scene sa lead actor nitong si Sean de Guzman.
Kaabang-abang ang husay ni Sean sa pelikulang Fall Guy ng 3:16 Media Network at Mentorque Productions, at inaasahang patuloy na hahakot ng acting awards dito ang guwapitong aktor.
