Jeric nasa cloud 9, sobra-sobra ang pasasalamat

RATED R
ni Rommel Gonzales

“I am grateful and thankful to GMA for giving me this opportunity and I’m proud of myself of course.

“Ginawa ko po ‘yung best ko rito,” bulalas ni Jeric Gonzales tungkol sa bagong drama series ng GMA na Start-Up PH.

“Until now I’m still overwhelmed talaga na kasama ako rito sa Start-Up Ph. 

“And ako ‘yung nag-play sa role ni Davidson Navarro na which is si Nam Do-san dun sa original.

“Kasi pinanood ko talaga ‘to eh, and I never expect na darating ‘yung time na gagawin ‘yung adaptation na ’to rito and ako pa ‘yung magpe-play ng role na ‘to,” sambit ni Jeric.

Sabay na nakamit ni Jeric ang dalawa niyang pangarap, ang mapasama bilang isa sa mga bida sa Start-Up Ph at makatrabaho ang mga artistang hinahangaan niya.

“And of course to work with Miss Bea Alonzo, Alden Richards and Miss Yasmien Kurdi, ang suwerte ko po talaga!”

Unang napanood noong 2020, ang original at Korean version ng Start-Up na tinatampukan nina Bae Suzy (bilang Seo Dal-mi), Kim Seon-ho (bilang Han Ji-pyeong), Nam Joo-hyuk (bilang Nam Do-san), at Kang Han-na(bilang Won In-jae).

Sa Start-Up Ph naman ay bida si Alden bilang si Tristan Hernandez, si Bea bilang si Dani Sison, at si Yasmien bilang si Ina Diaz.

Idinirehe nina Jerry Sineneng at Dominic Zapata, napapanood ang Start-Up Ph sa GMA Telebabad bago ang What We Could Be nina Miguel Tanfelix at Ysabel Ortega.