HATAW! D'yaryo ng Bayan hatawtabloid.com
ALAM MO NA!
ni Nonie Nicasio
INUSISA namin ang talented na singer/songwriter na si Ashley Aunor kung ano ang latest news sa kanya.
Kuwento niya sa amin, “Yes po, may bago akong single, I’m promoting right now my single na Money Loves Me. Actually, I’m coming out with another single rin po after this one, bandang October.”
Nabanggit ng bunsong anak ni Ms. Lala Aunor ang ukol sa kanyang latest single.
Wika ni Ashley, “Parang may manifestation po ‘yung song na parang ina-attract ‘yung money para bumalik po iyong luck, magkaroon ng luck iyong mga listeners, not just me.
“So, iyon po talaga ang mina-manifest ng song dahil alam naman natin ang nangyari sa marami sa atin dahil po sa pandemic.”
Bakit pumasok sa isip niyang sulatin ang kanta?
“Kasi, naniniwala po ako sa law of attraction, manifestations, na parang kapag nag-believe ka po sa isang bagay, like for example, you just claim that you’re going to receive this much money, na blessings from the Lord, nangyayari po talaga,” wika pa niya.
Ano ang dapat i-expect ng followers niya sa kanyang new single?
“Well, it’s different doon sa rock era, novelty rock era ni Cool Cat Ash,” nakangiting sambit niya.
Pagpapatuloy ni Ashley, “This is more of like ‘yung kung ano po iyong saloobin ko during the pandemic na sobrang walang nangyayari sa mga businesses, like walang pumapasok na pera, walang pumapasok masyado na blessings at lahat ng tao ay depressed…
“Ngayon, nagkaroon po ako ng inspiration na… just to bring happiness to people and at the same time ay ma-encourage ang mga people na this is not the end para sa atin. Na makababalik din tayo sa normal and to help us all… just have faith na everything will be better.
“So, nandoon po ‘yung faith in God, faith in yourself, na dapat ay always positive lang po ang pananaw natin sa buhay.”
Inspirational song bale ito?
“Yes po, inspirational song ito, pop po siya na parang danceable siya. So, medyo electronic-hip-hop pop… na parang tulad ng mga naririnig po natin sa Tiktok na puwedeng sayawin at puwedeng pang-sing-along, ganoon,” lahad ni Ashley.
