HATAW! D'yaryo ng Bayan hatawtabloid.com
PABONGGAHAN
ni Glen P. Sibonga
MAPAPANOOD na simula sa Setyembre 29 ang dating teen heartthrob na si Bobby Andrews sa movie seryeng Suntok Sa Buwan na pinagbibidahan nina Aga Muhlach at Elijah Canlas sa TV5.
Gagampanan ni Bobby ang role ni Benj na estranged father ni Trina (Maris Racal). Katulad ng ibang mister na nangangaliwa, nagsimula si Benj sa isang temptation sa opisina. Akala niya ay hindi na ito masusundan pa at lalalim. Pero habang tumatagal ay na-in love na siya sa kanyang third party. Hanggang dumating ang panahon na na-realize niya na hindi na niya mahal ang asawa niya, ang nanay ni Trina.
Dahil dito, iniwan ni Benj ang kanyang pamilya bago pa lumala ang mga bagay-bagay. Bumuo siya ng pamilya sa bago niyang kinakasama. And true enough, naging masaya naman talaga sila as a family.
Pero nang lumalaki na ang anak niya sa kanyang kinakasama, roon niya biglang naisip ang anak na si Trina na kanyang iniwan. Na-guilty siya kaya gusto niyang mag-reconnect sa anak. Sobrang thankful naman si Benj sa bagong family niya dahil tanggap nila ang nakaraan niya at suportado pa ang kagustuhan niyang mapalapit sa iniwang anak. Kaya gagawin niya ang lahat para magpaka-tatay sa kanyang estranged daughter na si Trina.
Mapapanood ang Suntok sa Buwan weeknights sa TV5.
