Dan Kang kalahok sa Mappa KnightShot 10-Ball Cup

ANG pool player at motorcycle enthusiast na si Dan Kang ay lilipad mula South Korea para lumahok sa pinakahihintay na Knight Shot 10-Ball Cup na idaraos ng Makati Pool Players Association – MAPPA under  leadership ni President Arvin Arceo – ang biggest billiard organization na Pool Capital of the World.

Ang Knight Shot 10-Ball Cup ay tutulak sa Setyembre na gaganapin sa AMF-Puyat Superbowl Bowling and Billiards Center, 3rd floor Makati Central Square (formerly Makati Cinema Square), Chino Roces Avenue, Makati City.

Tampok din ang pagsali ng 14 anyos na si Rhaki Roj Constantino. Makakasama ni Rhaki ang kanyang parents na bibiyahe mula Zamboanga para makipagtagisan sa nasabing competition.

Si Rhaki ang newest member ng Wilde Blu Junior sports team na itinatag nina Mr. Niño Lopez at world-renowned blogger Leslie “AnitoKid” Mapugay.

Matatangap ni Rhaki ang new set of world-class pool equipment at accessories mula Team Wilde Blu.

Nakalaan din sa magwawagi sa Knight Shot 10-Ball Cup ang brand new 125-cc motorcycle at Predator pool cue.

“Bongga! Galing! Iba talaga ng MAPPA!” paliwanag ni Tour Director Patrick Clavel sa 128 pool players participating sa biggest amateur tour sa taong 2022. (MARLON BERNARDINO)