RR Enriquez binuweltahan daddy ni Ruru 

MATABIL
ni John Fontanilla

HINDI naibigan ni RR Enriquez ang pahayag ng ama ni Ruru Madrid na si Bhong Madrid nang sabihing hindi siya kilala at ‘di busy kaya maraming oras para makialam sa buhay ng iba.

Nagbigay kasi ng komento si RR sa relasyong Bianca Umali at Ruru na tumagal ng apat na taon na walang label.

“4 years is too long para hindi n’yo pa din malagyan ng label yan…“Buti pa ‘yung t-back na nabili ko sa Tyangge Bangkok Thailand last week may label kahit chipangga,” ani RR.

Kaya naman to the rescue ang ama ni Ruru at pinatulan ang pahayag ni RR at dito na nga nilait-lait ang former Wowowee co-host.

Pero palaban si RR na nagpost naman sa kanyang IG account ng sagot sa mga naging pahayag ng daddy ni Ruru.

“Ahahaha I love it na may isang lalaki na (ewan ko if lalaki ba talaga ito na pumatol sa pagiging sawsawera ko,”ani RR.

Dagdag pa nito, “Sir @bhongmadrid with all due respect. You are asking me if artista ba ako? Sa tanda mo na yan hindi mo ako kilala? Galing po ako sa Wowowee. Dahil sikat yung show na pinapasukan ko 13 years ago.

“Ayan napasikat din kita. Compared to your post na 7 comments lang aba gusto ko po sabihin na mas sikat ang pagiging Sawsawera ko kesa sa inyo,” hirit pa ng starlet.