Ang Balita

SIPAT
ni Mat Vicencio

Kinakailangang libog na libog ka’t

kinakailangan ding mabilis kang labasan.

At kahit hindi naman hubo’t hubad

hubaran mo na’t gahasain

ang sa harap mo’y nakatambad.

Lahat ng posisyon ay gawin mo na

patuwad, patayo, padapa, pahiga

at kung maaari’y sixty-nine.

At matapos kang labasan

walang awa kang tumalikod

at kayanin mo itong duraan.

Sa panggagahasa, kinakailangang

matibay ang iyong sikmura

dahil kinabukasan, para kang torerong mandirigma

hinahangaan sa panggagahasa mo ng balita.

(Kasabay ng paggunita ng National Press Freedom Day ngayong Agosto 30, hayaan ninyo na ang tulang ito ay maging gabay sa pagtukoy kung bakit patuloy na lumalaganap ang fake news.)