Aiko balik-pag-arte sa GMA

COOL JOE!
ni Joe Barrameda

KASADO na ang pagsisimula ng pangatlong installment ng Mano Po Legacy na The Flower Sisters. 

Tampok dito sina Aiko Melendez, Beauty Gonzalez, Thea Tolentino, at Angel Guardian. Pasok din sa cast sina Isabel Rivas, Paul Salas, Sue Prado, Mikee Quintos, Tony Revilla, Marcus Madrigal, Tanya Garcia, Sophia Senoron, Reins Mika, at Kimson Tan.

Balik sa pag-arte ngayon si Councilor Aiko matapos huling mapanood sa Afternoon Prime series na Prima Donnas.

Hindi naman nauubusan ng project si Beauty na kasalukuyang napapanood sa pang-hapong serye na The Fake Life. Si Thea naman ay kasalukuyang napapanood sa top-rating primetime series na Lolong. Habang biggest TV break naman kung maituturing ni Angel na mapabilang sa cast members ng Pinoy version ng Running Man PH.