HATAW! D'yaryo ng Bayan hatawtabloid.com
PABONGGAHAN
ni Glen P. Sibonga
NATUTUWA ang Beautederm CEO and President na si Rhea Anicoche Tan na nadagdagan na naman ang mga ambassador niya na engaged na. Pagkatapos ni Arjo Atayde na engaged na kay Maine Mendoza, sumunod naman sina Ejay Falcon at Jana Roxas na parehong Beautederm babies.
Sa pakikipag-chat namin kay Ms. Rhea sa Instagram, sinabi niyang masaya siya para kina Ejay at Jana dahil nasaksihan din niya ang pagmamahalan ng dalawa. Nakasama pa niya ang mga ito sa matagumpay na Beautederm Franchisee Ball 2022 na ginanap ilang araw bago ang engagement.
Inamin pa ni Ms. Rhea sa aming kinuha na siyang ninang sa kasal nina Jana at Ejay.
“Yes, actually nag-message na si Jana na ninang ako,” sabi sa amin ni Ms. Rhea.
Pamilya na kasi ang turing niya kina Ejay at Jana kaya happy siya na kinuha siyang ninang sa kasal.
“Sina Jana and Ejay hindi ko lang endorsers, pamilya na talaga ang mga ‘yun. Isang sabi lang basta pwede sila sama sila. Si Audrey (anak ni Ms. Rhea) ninong na si Ejay sa confirmation. Tapos sina Jana and Ejay, ninang at ninong ng mga anak ng only sister ko na si Bambie. Basta pwede sila ay nagba-bonding kami. Wala ng presyo-presyo sa amin. Pamilya na kami talaga kaya love ko ‘yung dalawang ‘yun, sobra!” ani ni Ms. Rhea.
Happy si Ms. Rhea na bukod sa beauty ay love is in the air para sa Beautederm na nagdiriwang ng kanilang 13th anniversary.
