It’s Showtime madalas ang overtime

HATAWAN
ni Ed de Leon

IYANG It’s Showtime, lagi naman daw iyang nag-o-overtime noong araw pa, at nakalulusot naman sila dahil hindi man sila ang number one sa kanilang time slot, mataas din ang kanilang ratings, kaya natural lang na siguruhin ng network na hindi sila mapuputol lalo na kung ganado pang magpatawa si Vice Ganda.

Noong mawalan sila ng prangkisa at palabas lamang sila sa cable at internet, lalong naging maluwag sa kanila pagdating sa oras. Nag-blocktime sila sa ZoeTV, ok pa rin naman ang overtime, basta huwag lang siyang umabot sa programa ni Eddie Villanueva sa gabi.

Ngayon, nasa TV5 sila bilang blocktimer. Ang oras nila hanggang 3:00 p.m. lang, kaya noong lumampas sila, natikman nila ang putulin sila on air. Tuloy ang show sa cable at sa ZoeTv, pero sa TV5, pinutol sila. Ganoon naman talaga dapat, kung anong oras ka dapat matapos, dapat tapos ka dahil maaapektuhan ang kasunod na programa. Lalo na kung blocktimer ka lang at wala kang control sa oras talaga.

Nakatikim din sila ng putol.