HATAW! D'yaryo ng Bayan hatawtabloid.com
HARD TALK
ni Pilar Mateo
NAIRAOS na ang Grand Media Conference ng aminin man o sa hindi ay inaabangang pelikula na sa mga sinehan masasaksihan, ang Maid in Malacañang ni Direk Darryl Yap sa Viva Films.
Kasama rito ang gumaganap sa katauhan ng bunsong kapatid ni President BongBong Marcos na si Irene.
Pero habang ginagawa ang pelikula, nasalang si Ella Cruz sa mga kontrobersiya dahil sa tinuran nitong komento tungkol sa historians at Marites. O tsismis!
Sa grand media conference na dinaluhan ng buong cast (Cesar Montano, Ruffa Gutierrz, Cristine Reyes, Diego Loyzaga, Kiko Estrada, Kyle Velino, Beverly Salviejo, Karla Estrada, at Elizabeth Oropesa) with Senator Imee Marcos, inasahan ang komento ni Ella sa nasabing isyu. At ito nga ang pinag-uusapan pa rin sa kanya. Quoted.
‘Bakit ganoon ‘yung nabasa ko sa libro?
“Nakita ko ho si Senator Imee sa pamilya niya na parang bakit ganoon ‘yung nabasa ko sa libro? Eh si Senator Imee mahal na mahal niya ‘yung pamilya niya.”
At halos lahat ng mga nagkaroon ng pagkakataong makasama si Manang Imee habang ginagawa ang pelikula ay nagulat sa mga natuklasan nila sa pagiging ito nito.
Gaya rin nga lang natin siyang tao. At hanggang ngayon ay nasasaktan pa rin kapag binabalikan na ang huling mga oras nila bago lisanin ang Malacañang.
Naiiyak pa si Ruffa sa pagkukuwento sa nabasa niyang mga love letter ni Apo Lakay o former President Ferdinand Marcos to his lady love Imelda.
Akala nga ni Ruffa ay props ang binasa niyang mga sulat. ‘Yun na pala ang orig na nga sulat-kamay ng dating Pangulo.
Kaya si Ruffa is looking forward to once again receiving love letters sa magmamay-ari ng puso niya soon.
As far as balikan is concerned with her ex Yilmaz Bektas, na nakakasama na ang mga anak nila, naguguluhan si Ruffa dahil mukhang okay na naman kina tita Anabelle Rama at tito Eddie Gutierrez ang kanilang ex-manugang.
Ayan, gugulo na naman ang puso’t isip ni Ruffa, ha! Pero sabi niya, this time, ang gagamitin na niya ay ang intuition niya.
Intuition ang kay Ruffa. Pero si Ella, hindi niya raw intensyon na ma-offend ang historians sa tinuran niya tungkol sa tsismis.
Sa August 3, 2022 na mapapanood sa mga sinehan ang isa na namang obra ni direk Darryl. Ang mga hindi naipahayag na kuwento sa mga pangyayari sa kanilang paglisan sa bansa.
Nilinaw ni direk Darryl na hindi ito biopic.
At sa sagot niya sa aking tanong, tatlong napakahahalagang eksena pa pala ang hindi niya na maisasama sa pelikula. Dahil nga baka raw sumabog na ang dibdib ng manonood sa matutunghayan nila. Pero umaasa siyang magkakaroon pa rin ng pagkakataong maikiwento ito sa mas tamang pagkakataon.
