HATAW! D'yaryo ng Bayan hatawtabloid.com
NAHULOG sa kamay ng batas ang isang puganteng may kinahaharap na kasong tangkang panggagahasa sa lungsod ng Malolos, lalawigan ng Bulacan.
Sa ulat mula kay P/Lt. Col. Ferdinand Germino, acting chief of police ng Malolos CPS, tumulak ang mga operatiba ng nasabing estasyon para sa isang manhunt operation sa bayan ng Alfonso, sa lalawigan ng Cavite upang isilbi ang bitbit na warrant of arrest laban sa akusado na kinilalang si Brendo Canchila, tubong Bulan, Sorsogon.
Nabatid, may standing warrant of arrest laban sa suspek para sa kasong Attempted Rape na inilabas ni Presiding Judge Ma. Theresa V. Mendoza-Arcega ng Malolos City RTC Branch 17.
Matapos sampahan ng kaso, nagpakatago-tago at nagpalipat-lipat ng tirahan si Canchila hanggang matunton ng mga awtoridad ang kanyang pinagtataguan sa Alfonso, Cavite.
Ayon kay Germino, patuloy nilang tutugisin ang mga wanted person upang mapanagot sa kanilang mga ginawang krimen at mabawasan ang mga lawless elements sa komunidad. (MICKA BAUTISTA)
