Bryan Dy, proud sa pelikulang Tahan

ALAM MO NA!
ni Nonie Nicasio

SPEAKING of Tahan, ang isa sa producers nito na si Bryan Dy ay ipinahayag ang kagalakan sa kinalabasan ng kanilang pelikula at partnership ni Ms. Len Carrillo.

Esplika ni Bryan sa Q & A after ng private screening ng pelikula, “This is actually my first film, as a producer, it’s also a challenge, alam naman siguro natin lahat na ngayon, there’s thousands of contents going out… So, one thing talaga, nang ikinuwento ni Nay Len sa akin itong story and nang nai-present sa akin ni Quinn yung script, iyon ang nakikita ko na commercially viable and isang bagay na I think na mailalaban namin at mabibigyang pansin, na pupukaw din sa imahinasyon ng mga manonood.”

Pagpapatuloy pa niya, “At the very least, our first film ay mukhang successful, that’s why I would like to congratulate direk Bobby and lahat ng casts.

“This will actually inspire me to create more films, so maraming-maraming salamat sa inyong lahat. Thank you sa Viva for taking the film, siyempre giving us also an opportunity as producers, na nabibigyan kami ng ganitong pagkakataon sa ganitong platforms.”

Nang aming makapanayam, sinabi ni Sir Bryan na proud at na-inspre siya sa Tahan para gumawa pa ng more quality films.

Aniya, “So proud of it and more inspired… talagang it wasn’t easy. Una, natuwa ako because kahit paano, with a working budget, we were able to pull something na ganoon. And that inspires me to really do more, produce more films, more quality films.”

Mula sa direksiyon ni Bobby Bonifacio, Jr. ang Tahan ay mapapanood sa Vivamax simula July 22, 2022. Ang executive producers nito ay sina Ms. Len Carrillo ng 3:16 Media Network at John Bryan Diamante ng Mentorque Productions.

Tampok dito sina Cloe Barreto, Jaclyn Jose, JC Santos, Quinn Carillo na siya ring sumulat ng script, at iba pa.