Rudy Gobert nagsalita na kung bakit na-trade siya sa Timberwolves

NAGSALITA na si Rudy Gobert kung bakit ipinagmigay  siya sa isang trade ng Utah Jazz sa Minnesota Timberwolves.  “I think the organization felt like we had passed our window,”  pahayag niya.

Puna naman ng  mga miron sa NBA na  masyadong maraming kapalit si Rudy Gobert na ibinigay ng Timberwolves para makuha lang ang serbisyo ng sentro.  Ibinigay nila sa Jazz ang  apat na first-round picks kapalit ng big man.

Si Gobert ay makakatulong ng malaki sa kampanya ng Timberwolves dahil sa  ga-halimaw nitong depensa.  Katunayan ay tatlong beses siyang  naluklok bilang Defensive Player of the Year.  Kaya hindi panghihinayangan ng  Minnesota na pakawalan ang mga nasabing first-round-picks.

Sa paglipat niya sa Minnesota, ito ang ikalawa lang niyang team sa NBA.   Naging loyal siya sa Utah Jazz simula nang ma-draft siya noong 2013.   Sa tambalan nila ni Donovan Mitchell ay regular silang nakakasampa sa playoff sa huling anim na seasons.

Inaasahan na ng mga miron  ang posibilidad na ma-trade si Gobert pagkaraang sumama ang laro niya sa nakaraang season nang sa first round pa lang ng playoff ay nasibak agad sila sa Dallas Mavericks minus  star player nitong  si Luka Doncic sa unang tatlong games.

Makakasama ni Rudy si Karl-Anthony Towns at Anthony Edwards sa Minnesota, na naging biktima rin ng first-round exit sa kamay ng Memphis Grizzlies. 

Sa press conference ng Minnesota, sinagot ni Gobert ang isang malaking katanungan tungkol sa nangyaring trade.

“It’s a good question. Obviously, losing Quin (Snyder). Quin was a big part of what we were doing, he had been there for 8 years. Sometimes the window for winning is not always big. For us in Utah, that’s kinda what happened. The organization felt like we had passed the window that we had over the past few years. I think this will be a very competitive team, but they felt, with all the assets they could get for me, that was better for them to go that way. I think it could potentially be a win-win situation. They put me in a great situation to win and for me, I am very grateful for that.”

Ang paghihiwalay nina Gobert at ng Jazz ay para sa kapakinabangan ng bawat isa.  Aasamin ng Minnesota ang  kontensiyon para sa kampeonato habang ang Utah ay magkakaroon ng magagaling na  batang manlalaro na makakatulong kay Mitchell.