HATAW! D'yaryo ng Bayan hatawtabloid.com
HARD TALK
ni Pilar Mateo
DALAWANG babae ang may hawak ng susi sa puso ng mang-aawit na si Ice Seguerra.
Ang kanyang inang si Mommy Caring. Ang kanyang partner sa buhay na si Liza Diño.
Sila ang umangkla sa naging paglalakbay ni Ice sa mundo na patuloy na naghahanap ng kasagutan ang damdamin niyang maski sarili ay hindi mahalukay.
Depresyon. Big word!
At sa pamamagitan ng kaalaman na niya ngayon sa pagdidirehe, ito ang naging paraan niya para maipaalam sa lahat ang kanyang pinagdaanan.
Sa pamamagitan ng kanyang Dito Lang na kabilang sa Healthy Pilipinas Short Film Festival, ipinaalam ni Ice ang hirap niyang kalooban na kahit may mga salita na ay ‘di pa rin maibulalas.
Lima pang short films ang ipinalabas mula sa direksiyon nina Carlo Enciso Catu, Keith Barnard Deligero, Julienne Ilagan, Ryanne Murica, Zurich Chan, at Sheron Dayoc.
Mabigat ang music documentary ni Ice kaya hindi napigilan ni Mommy Caring ang mapaiyak habang pinanonood ito. Marami pa rin daw pala siyang hindi nalaman sa anak na sa mula’t mula ay nagbigay na ng saya sa bansa mula Aparri hanggang Jolo.
Sa pakikipagtulungan ng Department of Health sa FDCP (Film Development Council of the Philippines), nagpakilala ng sari-saring istorya sa iba’t ibang aspeto ng kalusugan—sa isip, katawan, at relasyon ang mga direktor.
These beautiful films championing the importance of incorporating healthy habits into our lifestyle in partnership with DOH ang mga obrang ipinalalabas sa Gateway Cinema.
Mula sa Pelikulaya hanggang sa CineIskool, at ang paglunsad sa aklat ni Prof. Nick Deocampo tungkol sa Alternative Cinema, kahit kaarawan niya ay nagtatrabaho pa rin si Chair Liza.
“Woke up to your warm birthday greetings. Thank you for making this day extra special. It means a lot to receive and read your messages. Nakakahappy at nakakataba ng puso sobra! As an extrovert, it means a lot to be appreciated.
“I will be at Gateway Cinema 1 today to celebrate PRIDE at the movies, and my birthday. Yes, it’s a working birthday but Im spending it doing my favorite things, hanging out with my #teamFDCP and watching films. So please drop by, say hello or catch a film or two!
“SALAMAT SA LAHAT NG BUMATI AT BUMABATI.
“Binabasa ko lahat kaya hindi ako makaalis ng bahay. Hahahaha! Yakaaaap! “
Ang mensahe ng babaeng nagbibigay liwanag at lakas ng loob kay Ice sa tinatahak nitong buhay kasama siya.
Dalawang babae ang ngayon ay patuloy na yumayakap at umiintindi kay Ice.
Sana mapanood ng lahat ang short films na ito para lalo pang maintindihan ang hugot ng bawat isa sa buhay.
