Friday , June 24 2022
Rose Lin Golden Gays

Rose Lin tuloy ang pagtulong kahit ‘di pinalad maging kongresista

RATED R
ni Rommel Gonzales

TAONG 2021 pa lamang ay nagpadala na si Rose Lin ng ayuda sa mga nakatira sa Home For The Golden Gayssa Maynila.

Pero this year, pumunta mismo si Rose sa lugar at muling nagbigay ng mga tulong tulad ng bigas, mineral water, noodles, gatas, vitamins, gamot at marami pang iba.

“Gusto kong personal na makita ang kalagayan nila roon,” sinabi mismo sa amin ni Rose pagkagaling namin sa Home For The Golden Gays.

Ano ang naramdaman niya nang makita at makatsikahan niya ang mga bading o LGBTQIA members sa naturang institusyon?

“Sa totoo lang, natuwa ako. Kasi despite po roon sa sitwasyon nila, na sama-sama sila, kinakapos sila, pero masaya sila.

“Hindi sila nagpapatalo roon sa kahirapan na nararamdaman nila.

“Kaya kanina, parang, ang saya lang!

“Walang kadramahan, walang ka-echosan sa buhay.

“Iyon ‘yung sinasabing kapag ang kasama mo ay LGBT ay makulay ang kulay. Positive, kahit alam mo na hirap sila, may pinagdaraanan sila.

“Nakangiti pa rin sila, nakatawa.”

Dahil sa pagmamahal ni Rose sa mga nakatira sa Home For The Golden Gays ay sinagot na niya ang renta para sa isang buwan sa tinitirahan ng mga ito.

Kuwento nga sa amin ng isang residente sa naturang lugar, hanga sila kay Rose dahil kahit hindi sila ka-distrito ni Rose ay tinutulungan sila.

Tumakbo kasing Congresswoman si Rose sa District 5 ng Quezon City samantalang ang Home For The Golden Gays ay nasa Pasay City.

Isa pang kahanga-hanga kay Rose kahit hindi siya pinalad sa nakaraang eleksyon at kahit tapos na ang eleksyon ay tuloy ang pagtulong niya sa kapwa.

Sa tanong namin kung tatakbo siyang muli sa susunod na eleksyon, tumawa muna si Rose bago sumagot.

Ayoko munang isipin ang tungkol diyan, matagal pa naman.

“Sa ngayon gusto ko munang magpahinga, magbakasyon, and iyon nga, patuloy na tumulong sa mga nangangailangan.” 

About Rommel Gonzales

Check Also

Arjo Atayde oathtaking

OPISYAL nang nanumpa si Arjo Atayde bilang Congressman-elect ng Quezon City District 1 (QCD1)

OPISYAL nang nanumpa si Arjo Atayde bilang Congressman-elect ng Quezon City District 1 (QCD1) sa …

Rida Robes Bongbong Marcos Sara Duterte

SJDM, Bulacan, nagbuhos ng malaking boto sa BBM-Sara

BILANG patunay sa kanyang pahayag, sinabi ni San Jose Del Monte City Rep. Florida “Rida” …

Bongbong Marcos Sara Duterte Proclamation

Marcos – Duterte tandem iprinoklama na NBoC sa Kamara

ni Gerry Baldo Iprinoklama ng National Board of Canvassers ngayong hapon ang tandem nila Bong …

Jomari Yllana, Abby Viduya, Priscilla Almeda

Abby masaya sa pagwawagi ni Jomari

MATABILni John Fontanilla MASAYANG-MASAYA si Abby Viduya sa pagkapanalo ni Jomari Yllana bilang councilor ng District 1 ng  Parañaque. …

Vice Ganda

Nasaan na nga ba si Vice Ganda?

HEY! Hey! Hey! What happened na sa mga artistang sumampa sa entablado with matching grand …