Bb. Pilipinas finalist Esel Mae Pabillaran, idol si Sarah Geronimo

ALAM MO NA!
ni Nonie Nicasio

SWAK sa showbiz ang beauty at kaseksihan ng kinatawan ng Misamis Oriental sa 59th Edition ng Bb. Pilipinas na si Esel Mae P. Pabillaran.

Actually, siya’y nakalabas na sa mga TV shows tulad ng Magpakailanman, second lead role with Rita Daniela sa Pamilya Covid story ng Layug Family, bilang asawa ni Kelvin Miranda sa Karma Ng Ama na story, at co-worker ni Rita Daniela sa Special Tatay. Naging talent din siya sa mga ABS-CBN shows like Wansapanataym at Kadenang Ginto. Sumabak din si Esel Mae sa commercials tulad ng CIMB Bank at Rebisco, kasama si Joshua Garcia.

Idol ni Esel Mae sina Sarah Geronimo at James Reid. “Si Sarah idol ko na po siya since pagsali niya ng Star For A Night noong 2003. Maliban po kasi sa magaling siyang singer at aktres, jumbaga total package si Sarah G. Magaling din kasing sumayaw. Ang bait pa niya at yung values niya talaga as a person, totoo yung humility niya at pagkafamily-oriented. Kahit buong pamilya ko, siya talaga yung lagi ine-example sa akin to stay grounded and to always have fear in God.

“Si James naman, magaling kasing singer at versatile din sa acting. Dati rin sa PBB niya ay napapanood ko siya, ganda pa ng Australian accent niya, hahaha!”

Maging isang aktres ang pangarap niya noong bata pa lang siya at hindi maging beauty queen.

Anang dalaga, “Not really, I wanted to become an actress. I started joining pageant when my teacher encouraged me to represent our class and as the top 1 in school that time, I didn’t want to fail them. Since then, as I continue my journey in pageantry, I have seen the horizon of hope pageant brings beyond the glam and glitz. That is when my love for pageants grew more.”

Dagdag pa Esel Mae, “I am doing this not because I want to prove something, but because this is a platform to speak for the unheard voice and putting into actions our advocacies.”

Si Esel Mae ay 26 years old at ang vital statistics niya ay 32-23-32. Siya ay beauty and brains, na nagtapos ng BS Psychology bilang Cum Laude sa Mindanao State University-Iligan Institute of Technology.