Nikki Co mas gustong maging kontrabida

RATED R
ni Rommel Gonzales

PAGKATAPOS ng Magpakailanman noong Sabado, may nakalinya nang isang bagong proyekto sa GMA si Nikki Co.

“Mayroon tayong inaantay na result ng auditions pero most likely feeling ko naman is ito na ‘yung next, hopefully and pinagpe-pray ko naman siya.

“So abangan na lang po, siguro sa social media ko na lang ipakikita if ayun na talaga,” ang nakangiting sinabi pa ni Nikki.

Sakaling hindi ini-renew ng GMA/Sparkle ang kanyang kontrata, ano ang plan B ni Nikki?

“Naka-graduate po ako ng college, I graduated sa Business Finance so I can go in that field and also nag-i-invest din ako sa real estate so puwede rin po ‘yun.

”And I can also start a business kasi balak ko rin naman talaga.”

At hindi raw basta-basta isusuko ni Nikki ang kanyang showbiz career.

“Plus hindi pa rin ako titigil kasi passion ko na ‘yung pag-arte so, mag-o-audition at mag-o-audition pa rin ako kung saan puwede.”

Ano pa ang mga dapat abangan kay Nikki bilang Sparkle artist?

“Siguro expect more of, more contravida roles kasi sa nakikita ko lately ‘yung mga pinapa-audition sa akin ng GMA is medyo puro contravida, eh.

“So nag-e-enjoy naman ako roon so let’s see,” nakangiting pahayag pa ni Nikki.