HATAW! D'yaryo ng Bayan hatawtabloid.com
ni Micka Bautista
NATAGPUAN ng mga residente ng Brgy, Mapaniqui, Candaba, Pampanga ang dalawang duguang bangkay – isa sa bakuran at isa sa terasa ng isang bahay – nitong Lunes ng madaling araw, 30 Mayo.
Rumesponde ang mga tauhan ng Candaba MPS nang humingi ng tulong ang mga kapitbahay ng mga biktima na nakakita sa mga bangkay na napag-alamang mag-asawa.
Nabatid na nasa edad 63 at 7 anyos ang mag-asawa na kauwa may tama ng bala sa ulo at may mga duguang tipak ng bato sa tabi.
Ayon kay P/Col. Karen Clark, hepe ng Candaba MPS, ang itinuturong suspek ay ang mismong panganay na anak ng mag-asawa kung saan inabutan pa ng mga rumespondeng pulis na nasa loob ng bahay kaya agad na naaresto.
Sa pagtatanong ng pulisya sa mga kaanak ng mga biktima, napag-alamang dalawang beses nang ipinasok sa rehabilitation center ang suspek dahil sa pagkakalulong sa ilegal na droga.
Plinano pang muli ng mga biktima na ipasok sa rehabilitation center ang anak na ayon sa pulisya ay maaring dahilan kung bakit pinatay ng suspek ang sariling mga magulang.
Ayon sa mga kaanak, may mga insidenteng pumapatay ng mga alagang hayop, tulad ng mga bibe, kapag gumagamit umano ng ilegal na droga ang suspek na nahaharap ngayon sa kasong dalawang bilang ng kasong parricide.
