HATAW! D'yaryo ng Bayan hatawtabloid.com
NAGKASUNDO sina Ryan Garcia at Javier Fortuna na maghaharap sa ring sa July 16 fight sa Crypto.com Arena sa Los Angeles.
Ang nasabing balita ay ipinahatid ng DAZN sa ESPN.
Sina Garcia at Fortuna ay una sanang maghaharap nung July nang nakaraaang taon, pero umatras si Garcia dahil sa problema sa mental health. Inilinya rin ang star boxer para labanan si Joseph Diaz Jr. nung November 2021 pero napilitang magwidro dahil nagkaroon siya ng ‘wrist injury’ na kinailangan ng operasyon.
Ang 23-year-old na si Garcia ay nagmula sa Southern California at pinal na nagbalik sa ring nung Abril at nanalo siya via unanimous decision laban kay Emmanuel Tagoe, at naroon siya sa ringside noong Linggo sa Brooklyn sa naging panalo ni Gervonta Davis laban kay Rolando Romero via 6th round KO. Dito niya ipinarating ang paghahamon niya kay Davis.
“Let me handle business July 16th, I’m going to get Tank,” sabi ni Garcia (22-0, 18 KOs) nung Linggo sa kanyang Tweet.. “He was screaming the whole fight ‘I’m next,’ so let it be. December, let’s get it.”
Inaasahan na magiging madali para kay Garcia na idispatsa si Fortuna na rated No. 10 lightweight sa ESPN at tinatayang isang second world-class na fighter para magkaroon ng realisasyon ang ikakasang laban nila ni Davis.
“Ryan Garcia should take this fight very seriously and train properly because he will be facing, by far, the best fighter of his career,” pahayag ni Fortuna.
“Hopefully on fight night, there will be no excuses for his loss. … I have too much of everything for Ryan Garcia. His [win over Campbell] showed how easy he is to hit. And his power won’t mean anything to me. But mine will put him to sleep.”
