HATAW! D'yaryo ng Bayan hatawtabloid.com
RATED R
ni Rommel Gonzales
SAMPUNG taon na si Sheryl Cruz sa pangangalaga ng Artist Circle Talent Management Services ni Rams David.
Isa si Sheryl sa 16 na talents na binigyan ni Rams ng loyalty awards sa gabi ng kanilang anibersaryo. Kabilang dito sina Shyr Valdez, Chanda Romero, Odette Khan, Mosang, Mel Kimura, Dang Cruz, Ces Quesada, Jet Rai, Andrew Schimmer, Robert Correa, Marlon Mance, Rico Robles, Lorenz Martinez, Mike Magat, at Celia Rodriguez.
Ani Sheryl, loyal siya sa Artist Circle dahil, “First of all, si Rams hindi na iba sa akin dahil mahal na mahal ‘yan ni Kuya Germs (German Moreno).
“‘Di ba si Tatay Germs kilala naman natin, na tinutukan ni Rams ‘yan mula ‘GMA Supershow’ na roon ko siya nakasama afer ‘That’s Entertainment.’
“Tapos noon nakita ko na parehas kami ng prinsipyo na kung paano magpalakad si Kuya Germs kahit paano nakikita ko ‘yun sa kanya.
“Na really wants what’s best for everyone in the group and he treats everyone like family so… he’s very caring, pati sila Ms. Tere, Ms. Cris, they all want what’s best for all their artists.
“They really make sure na lahat kami may mga ginagawang mga proyekto and I’m just blessed dahil kahit paano from the time I started hanggang ngayon hindi naman ako nababakante. So, salamat sa Diyos at salamat kay Rams.”
Ang ilan pa sa mga artist ng Artist Circle ay sina Jelai Andres, Jopay Paguia at mister nitong dancer din na si Joshua Zamora, ang mga kapwa Sexbomb Dancers na sina Mia Pangyarihan, Mhyca Bautista, Cheche Tolentino, at Aira Bermudez, Mel Kimura, Krissy Achino, ang magkapatid na Mike at Carlos Agassi, Mico Aytona, BJ ‘Tolits’ Forbes, Inday Garutay, Kiks Ferrer, Christian Antolin, at Wilma Doesnt gayundin anak nitong si Asiana Doesnt at marami pang iba. Humigit-kumulang sa 70 ang mga talent na nasa pangangalaga ng Artist Circle.
Ginanap ang 10th anniversary celebration ng Artist Circle Talent Management Services nitong May 11 sa AQUILA Crystal Palace, Tagaytay Events Place na pag-aari ni Tei Endencia na isa rin sa mga artists na hawak ng Artists Circle na katuwang ni Rams ang mga kapatid niyang sina Tere at Cristina David.
