HATAW! D'yaryo ng Bayan hatawtabloid.com
ALAM MO NA!
ni Nonie Nicasio
IPINAKILALA ni Direk Perry Escaño ang newbie singer na si Sofi Fermazi, isa sa talents nila sa MPJ Network.
Si Sofi ay bagong singer at upcoming actress, siya’y 17 years old at tubong Masbate. Inusisa namin ang album na ginagawa ng dalagita.
Kuwento ni Sofi, “So yung name po ng album na we’re working on po is called Rain Inside Us, bale may tatlong songs po ako roon. Mayroon din pong ibang artists dito from ABS CBN and it will be released po by Star Music.”
Sino ang fave singer niya? Wika ni Sofi, “Sa mga local singers po, I really admire Sarah Geronimo po.”
Paano niya na-discover si Sofi?
Tugon ni Direk Perry, “Nagkaroon kasi ako ng advance acting workshop last August at isa si Sofi sa new artists doon. Isa siya sa nag-enrol sa acting workshop na in-organize ng grupo namin.
“Nalaman ko na kumakanta si Sofi dahil noong bata pa siya ay na kay Vehnee Saturno siya, eh. So, maganda yung boses niya, pinag-aralan namin ng mga kasamahan ko and we decided na i-manage siya ng group namin, ng MPJ Network. So, isa si Sofi sa pool of artists ng MPJ and soon po ay may ila-launch pa kaming ibang artists po.
“Si Sofi ay very talented, even though she’s very young, makikita mo yung passion niya sa music na nandyan talaga,” wika pa ni Direk Perry.
Nabanggit din ni Sofi na game rin siyang sumabak sa pag-arte, sa tamang panahon.
“Yes po may balak din akong pasukin ang acting, pero siyempre po kasi newbie pa po ako at kailangan pang i-hone yung skills ko bago ako sumabak sa acting po,” nakangiting pakli pa ni Sofi.
