Sa Ilocos Sur: 4 tauhan ng kandidato patay sa pamamaril

NAPASLANG ang apat na tauhan ng isang kandidato matapos makipagbarilan sa kampo ng kalaban sa bayan ng Magsingal, lalawigan ng Ilocos Sur.

Sa ulat, nabatid na nagresponde ang mga biktima sa Brgy. Patong nang makatanggap sila ng impormasyong may nagaganap na vote buying sa lugar.

Samantala, sinabi ng isang mayoral candidate na nagkatensiyon nang nahulog ang baril ng isang bodyguard saka may dumating na armadong grupo na nauwi kalaunan sa putukan.

Ayon sa pulisya, mga tauhan ng tumatakbong vice mayor na si Larry Ceria ang mga biktima, habang dalawang katao pa ang sugatan sa kanilang kampo.

Sugatan rin ang dalawa mula sa kampo ng tumatakbong mayor na si Alrico Favis at asawang vice mayoral candidate na si Ina Favis.

Sa kasalukuyan, patuloy ang isinasagawang imbestigasyon ng pulisya kaugnay sa insidente.