HATAW! D'yaryo ng Bayan hatawtabloid.com
BINASTOS ng sinabing supporter ni presidential aspirant Ferdinand Marcos, Jr., ang bunsong anak ni Vice President Leni Robredo habang nakikipag-usap sa mga vendor at namamalengke sa Baguio City Market.
Nag-iikot si Jillian Robredo kasama ang ilang mga tagasuporta ng kanyang ina at nakikipagkamay sa mga nagtitinda.
Masaya siyang sinalubong ng ilang vendors na may dala pang poster ng kanyang ina na sumisigaw ng “Leni, Leni, Leni!”
May isang dumaraan na sumigaw ng “Huwag kayong humarang!” Makalipas ang ilang sandali, sumigaw na naman ito ng “Dayuhan ka lang dito! Kami, Igorot kami!”
Dahil sa nangyari, tahimik na umalis ang grupo ni Jillian sa palengke. Hinabol pa siya ng isang miyembro ng One Baguio Benguet (OBB) upang humingi ng paumanhin dahil sa nangyari.
Humingi rin ng paumanhin ang ilang vendors at sinabing hindi ganoon ang lahat ng mga residente sa Baguio.
Hindi naman naapektohan si Jillian sa nangyari at ipinagpatuloy ang kanyang mga nakalinyang aktibidad sa Baguio.
