HATAW! D'yaryo ng Bayan hatawtabloid.com
NAKATAKDANG umarangkada ang 1st Maharlika Chess Tour 2022 Online Blitz Tournament sa Abril 24 via lichess platform.
“The individual online tournament is open to all Filipino players with free registration, first come, first served. Limited to 500 players only,” sabi ni Arena Grandmaster Dr. Fred Paez, isa sa apat na team owner ng Laguna Heroes, inaugural champion ng Professional Chess Association of the Philippines (PCAP).
Ang ilan sa mga nakatakdang lumahok sa torneyo ay mga miyembro ng Laguna Heroes na kinabibilangan nina two-time Asian Junior champion Grandmaster Rogelio “Banjo” Barcenilla Jr., Fide Master Austin Jacob Literatus, Fide Master Jose Efren Bagamasbad, Woman National Master Jean Karen Enriquez, Michaella Concio, Kimuel Aaron Lorenzo, Vince Angelo Medina, Apollo Agapay, Arjie Bayangat at Richie Jocson.
Ang 1 day online three minutes blitz tournament ay inorganisa ng Laguna Chess Association sa pakikipagtulungan ng St. Peregrine Dental Clinic, CVJR Builders, Pro Source Construction Supply at ng We Evolve Manila na may pabuyang P5,000 sa magkakampeon.
