HATAW! D'yaryo ng Bayan hatawtabloid.com
MATABIL
ni John Fontanilla
ISANG napapanahon at makabuluhang pelikula ang mappanood simula April 06 (Wednesday) in selected cinemas na pinagbibidahan ni Enzo Pineda,!ang Dok na hatid ng Donya Productions ni Atty. Angie De Ramos na siya ring direktor ng pelikula.
Ang Dok ay isang family drama movie na base sa totoong pangyayari sa kasagsagan ng Covid-19 pandemic. Ginagampanan ni Enzo ang role na doktor, kasama si Mickey Ferriols.
Masaya at very proud si Enzo na makasama siya sa pelikula na siyang kauna-unahang pelikulang Pinoy na ipalalabas sa mga sinehan simula nang magkaroon ng pandemya.
Bukod pa sa kakaiba ito sa mga role na nagawa niya sa mga naging pelikula niya, nakare-relate siya sa istorya ng movie dahil isa rin siya at ang kanyang ama na nagka-covid.
Kaya naman sobra-sobra ang pasasalamat niya kay Atty. Angie sa pagpili sa kanya para magbida sa pelikula.
At sa naganap na premiere night ng Dok kamakailan ay bumaha ng luha sa dami ng makabagbag damdaming eksena sa pelikula at sa napakahusay na pagganap nina Enzo at Mickey.
Bukod sa kahusayan nina Enzo at Mickey, ‘di rin nagpahuli at mahusay din ang pagganap sa kani-kanilang role sina Lucky Manzano, Rob Sy, at nag baguhang si Maria De Ramos at ng batang gumanap na Dok na si Aryan Akthar.
Punompuno ng puso ang pelikula, mahusay ang pagkakahabi ng mga eksena at maganda ang pagkakagawa ng pelikula ni Atty. Angie bilang baguhang direktor.
