HATAW! D'yaryo ng Bayan hatawtabloid.com
PABONGGAHAN
ni Glen P. Sibonga
KINOMPIRMA na sa wakas ni Carlo Aquino na hiwalay na sila ng kanyang partner na si Trina Candaza.
“No na. Nag-separate na kami this year lang,” pag-amin ni Carlo sa interview ng ABS-CBN News.
Hindi na sinabi ni Carlo ang dahilan ng kanilang hiwalayan, pero civil naman sila sa isa’t isa at nagkakausap pa rin basta para sa kanilang anak na si Enola Mithi.
“Nag-uusap kami every once in a while. Nahihiram ko si Mithi pero siyempre dahil nga pandemic pa rin ‘yung safety muna niya (ang priority). Kapag may trabaho ako nag-aantay ako ng ilang days,” sabi ni Carlo.
Dahil nga humiwalay na ng bahay si Trina kasama si Mithi, thankful pa rin si Carlo na nahihiram ang anak. Sinisikap niya pa rin na maging mabuting ama kay Mithi. Makikita naman iyon sa mga bonding nila sa social media posts ng aktor.
Samantala, nagsimula na nitong April 4 sa YouTube ang bagong ABS-CBN series na pinagbibidahan ni Carlo kasama si Maris Racal, ang How To Move On In 30 Days.
