HATAW! D'yaryo ng Bayan hatawtabloid.com
NAGPAPAGALING sa ospital ang isang 68-anyos lola sa Iloilo matapos duguin sa panghahalay ng isang 19-anyos estudyante.
Ayon sa ulat, naganap ang insidente noong Linggo ng gabi sa Barangay Medina, sa bayan ng Anilao, Iloilo.
Sa imbestigasyon ng pulisya, lumitaw na dumalo sa birthday party ang lola at nandoon din ang suspek na Grade 11 student.
Pagsapit ng 10:30 pm, nagpasya ang lola na umuwi pero nagpresenta ang suspek na kakilala ng apo ng biktima na ihahatid siya sa bahay.
Pero habang nasa daan, doon nagpahayag ng masamang intensiyon ang suspek sa biktima.Sa kabila ng pakiusap ng biktima na matanda na siya at may mga apo na, nagsalita ang suspek na, “age doesn’t matter”
Dahil sa takot na patayin siya ng suspek, wala nang nagawa ang biktima hanggang maganap ang panghahalay.
Nang makauwi nang bahay, napansin ng mga kaanak na dinudugo ang biktima kaya sinabi nito ang nangyari sa kanya na kagagawan ng suspek.Dinala sa ospital ang lola at patuloy na nagpapagaling habang hinahanap ng mga awtoridad ang suspek na, ayon sa ina ay mabait na anak at hindi magagawa ang naturang krimen.
Sinabi ng opisyal ng barangay, may dati nang rekord sa kanila ang suspek dahil sa pakikipag-away.
