Ariel mabibigyan ng trophy ni Cristy

HARD TALK
ni Pilar Mateo

TIYAK may bibigyan na naman ng tropeo ang host na si Cristy Fermin in the person of Ariel Rivera. Matapos na “bigyan” niya si Rey Abellana ng pasasalamat sa pag-amin nito sa one night stand ni Tom Rodriguez na manugang niya.

This time, nagsalita at sumagot si Ariel tungkol sa pag-alis niya sa pantanghaling programang Lunch Out Loud” (LOL) sa Cignal/TV5.

Totoo raw na umalis na siya. Sa kadahilanag ayaw na niyang pahirapan pa o mahirapan pa ang producer ng programa.

“Ayaw ko ng maging pabigat. Mabubuhay naman ang show kahit wala ako. Wala ng pera. May problema sa budget. Ang producer namin, mabait pa naman sobra. Nalulugi na po siya. Kaya ayaw ko ng maging pabigat sa problema. 

“Masakit ang puso ko. Mahal na mahal ko ang mga tao roon. Wala silang ginawa kundi ibigay ang lahat sa show. Bgayon pa nga lang ako makapagpapasalamat. Dahil naging malaking tulong din ito sa akin. ‘Yun ang tunay na dahilan po.”

Ang tinutukoy na producer ni Ariel ay walang iba kundi ang Congressman na si Albie Benitez.

Nauna nang kumalat ang pinabulaanan na rin ng management na balitang titiklop na ang programa na kasama sina Bly Crawford, K Brosas, Jeff Tam, Bayani Agbayani at marami pang iba.

Sa pag-amin ni Ariel kay Cristy sa programa nito, may mga susunod kaya sa kanya na magpaalam sa programa dahil na rin sa pagmamalasakit sa kanilang Big Boss?

For being truthful, kudos to Ariel. Another tropby ka niyan from Cristy!