Daddy Wowie bilib sa pagsisikap ni Yorme

MA at PA
ni Rommel Placente

HUMARAP sa media sina Vivian Velez at ang producer na si Ms. Edith Fider para ipaalam na sumusuporta sila sa bagong tatag na coalition, ang Isang Pilipinas Movement para sa tambalang Manila Mayor Isko Moreno, na tumatakbong presidente at Davao Mayor Sara Duterte, na tumatakbo namang bise presidente.

Naniniwala sina Vivian at  Miss Edith na sina Yorme at Sara ang aahon sa hirap na dinaranas ng bansa at magbibigay ng magandang pagbabago at kinabukasan sa Pilipinas.

Present din ang manager ni Yorme na si Daddy Wowie Roxas. Nagbalik-tanaw siya kung paano niyang nakilala/na-discover si Yorme. Na aniya, nakita niya ito sa isang burol dati, na libagin pa dahil mula lang ito sa mahirap na pamilya at isang scavenger.

Natutuwa si Daddy Wowie dahil sa pagsisikap ni Yorme, bukod sa pagiging artista ay naging isang politician. At ngayon ay malakas ang laban sa mga tumatakbong presidente ng bansa.