Andrea at Ricci spotted sa isang restoran 

MA at PA
ni Rommel Placente

KUMALAT sa TikTok ang picture na magkasama sina Andrea Brillantes at Ricci Rivero  sa isang restoran sa One Bonifacion Hight Street sa BGC, Taguig City.

Isang waiter ang nagpakuha ng litrato kasama si Ricci  at mayroon din itong larawan kasama si Andrea.

Iniisip tuloy ng netizens na baka raw may namumuo nang relasyon sa dalawa.

Lalo pang napaisip ang mga ito dahil sa isang video na nakitang suot ng dalaga ang isang puting jersey ng U.P. Fighting Maroons.

Sinasabing kuha ang video sa lock-in taping ng Lyric & Beat, ang upcoming iWant series na pinagtatambalan nina Andrea at Seth Fedelin.

Si Ricci ay player ng Fighting Maroons ng University of the Philippines at 25 ang jersey number niya roon.

Bunsod nito ay hindi maiwasang mapatanong ang ibang netizens kung jersey ba ni Ricci ang suot ni Andrea?

At kung jersey nga ‘yun ni Ricci, hindi kaya may something na talagang namamagitan sa kanila ni Anrdrea?

Naku, tiyak magwawala ang mga tagahanga nina Andrea at Zeth kapag nakita nila ang picture nina Andrea at Ricci.