Rey ibinuking babae dahilan ng hiwalayang Tom at Carla

MA at PA
ni Rommel Placente

SO, babae ang isa sa dahilan kung bakit nakipaghiwalay si Carla Abellana sa mister niyang si Tom Rodriguez? 

Sa interview kasi ng ama ni Carla na si Rey Abellana sa radio program ni Cristy Fermin na Cristy Fer Minute, sinabi nito  na nabisto ni Carla na nakipag-one night stand si Tom. Hindi nga lang nito binanggit ang name ng girl.

Sabi ni Rey, “Hindi po natin mako-consider na third party eh, ang sitwasyon. Kasi po, ang pangyayari ay one-night stand, eh. So, hindi natin kinu-consider ‘yun na third party,”

Inamin naman ni Rey na noon, kahit may asawa na siya, ay natukso rin siya sa ibang babae. Na aniya ay naiintindihan niya si Tom. Normal lang umano ‘yun sa isang lalaki.

“Kaya inaamin ko na lang, bilang ako lalaki ako, ako, way back, nangyayari rin po ‘yan sa akin. Eh, medyo normal na ‘yan sa buhay ng mga lalaki.

“Kaya naintindihan ko po ‘yan. Eh, nangyari sa tukso ay hindi po mortal sin. Para sa akin, you know, bilang isang tao, natural na tao lang po ang nangyayari sa mga ganyang bagay, natural sa buhay ‘yan, eh, ‘di po ba?

“May kasabihan nga po na ang isang tao, eh, mabibilanggo depende po sa bigat ng kanyang kasalanan. Kung mababaw na krimen ay hindi po ikinukulong ‘yan. Pero kung mabigat na krimen ang kanyang atraso, eh, yun,”aniya pa.

Sa rebelayon na ito ni Rey, ano kaya ang magiging reaksiyon ni Tom?