Bea sinagot mean comment ng netizens sa pag-alis sa Dos

MA at PA
ni Rommel Placente

SA latest You Tube vlog ni Bea Alonzo, binasa at sinagot niya ang mga mean comment ng netizens tungkol sa paglipat niya sa GMA-7.

Sabi ng isang netizen kay Bea: “Ayoko na sa iyo. Iniwan mo kasi ang Star Magic after 19 years na inalagaan ka.

“Nadapa lang ang nag-alaga sa ‘yo, iiwanan mo na lang. Hindi ba pwede na aakayin mo para makabangon?”

Ang tinutukoy ng netizen na nadapa ay ang pagkawala ng prangkisa ng Kapamilya Network.

Mahinahong sagot ni Bea, “Siyempre, madali sa atin ang mag-comment, ‘di ba, kapag hindi natin alam ‘yung nangyayari. I acknowledge your comment. You are entitled to your own opinion, but that doesn’t make it true.

“Marami pong nangyari at maraming dahilan, at lahat kami ay okay. So, sana okay ka rin.”

Sa isa pang mean comment, ang sabi kay Bea, “There goes a new has been actress. After pasikatin ng Star Magic at ABS-CBN tapos iiwan na lang ng ganoon.”

Seryosong tugon naman ni Bea: “Hindi siya madaling desisyon.

“Super tagal kong pinag-isipan and I have my own reasons for it.

“And I wish maisa-isa ko sa iyo, pero hindi ko na kailangan gawin iyon because I don’t have to.

“I don’t have to explain myself because I think I’ve done that.”