Ama ni Angel pumiyok pinaka-ayaw na BF ng anak ibinuking

MA at PA
ni Rommel Placente

SA You Tube channel ng mag-asawang Angel Locsin at Neil Arce, naging guest nila rito ang ama ng aktres na si Angelo Colmenares para sa pagdiriwang nito ng 95th birthday.

Inusisa ni Angel ang ama, kung mayroon siyang ex-boyfriend na hindi nagustuhan nito?

Tanong ni Angel, “Sino sa mga naging ex ko ang pinakaayaw mo?” 

Sabay turo ng aktres sa hawak niyang cue card, “Nandidito, ha! Nakalagay. Ayoko ito tanungin ha!”

Ang mga nakarelasyon ni Angel ay ang namayapang aktor na si Miko Sotto, ang pinsan nito na si Oyo Sotto, Luis Manzano, at Phil Younghusband. 

So, sino kaya sa mga ito ang hindi boto ang ama ni Angel noon para sa kanya?

Inalam din ni Angel ang reaksiyon ng ama nang magpaalam si Neil bago ito nag-propose sa kanya noong 2019.

Happy naman ang tatay ni Angel nang matagpuan nito ang taong nakalaan para sa anak.

“First of all, I want you to be in good hands and nasa age ka na,” sabi ng ama kay Angel.

Tanong ulit ni Angel, “Anong lesson tungkol sa pag-ibig ang puwede mong ibigay sa akin?”

Sagot ni Angelo, “Kailangan talaga to be happy in a married life, take good care of each other every day and put Christ in the center of your life.”

Siguradong susundin nina Angel at Neil ang naging payo ng ama para lalong tumagal ang kanilang pagsasama at maging forever na ang pagmamahalan nila.