Pera at politika ugat umano ng hiwalayang Tom at Carla

MA at PA
ni Rommel Placente

SA isa sa episode ng radio program niyang Cristy Ferminute, sinabi ni Cristy Fermin na pera ang dahilan kung bakit naghiwalay ang mag-asawang Tom Rodriguez at Carla Abellana.

Sabi ni Cristy, “May ipinanganak na namang bagong isyu! Ano, kambal-kambal na isyu ang ipinanganganak tungkol sa kanilang paghihiwalay. Nandiyan ‘yung infidelity issue, gay issue, pagiging kuripot nitong si Tom at makwenta kay Carla at may bago.

“Mayroon daw kasing malaking halaga ang mag-asawa, pera nilang dalawa, na ipinasok sa isang grupo nitong si Tom. May ano ‘to, may kinalaman ito sa politika. Parang party-list. Parang nagbigay siya ng malaking halaga roon sa grupo.

“Eh kaso, niligwak ng Comelec. Hindi nakapasok.

“Pinipigilan na siya pero matigas daw ang ulo nitong si Tom. Pumasok pa rin sa ganoong ano (politika), sugal ‘yan eh, sugal ng buhay ‘yan eh. Pumasok pa rin, anyare? Lumipad ang datung. Walang nangyari, ‘di ba? Nakakaloka.”

So kung pera ang ugat ng hiwalayan nina Tom at Carla, ibig sabihin, hindi nga babae ang rason, gaya ng siasabi ng iba.