HATAW! D'yaryo ng Bayan hatawtabloid.com
ARESTADO ang dalwang high value target (HVT) sa isinagawang buy bust operation ng pulisya sa Science City of Muñoz, lalawigan ng Nueva Ecija, nitong Sabado, 26 Pebrero.
Kinilala ang mga suspek na sina Jeric Valdez, 27 anyos, empleyado ng Science City of Muñoz LGU, residente sa Brgy. Balante; at Arvin Duran, 24 anyos, isang kolektor.
Nakompiska mula sa mga suspek ang tatlong plastic sachet ng hinihinalang shabu na tumtimbang ng 0.24 gramo at tinatayagng nagkakahalaga ng P3,000, motorsiklo, may plakang AE19965, at isang Android phone.
Nakatakdang sampahan ang dalawang suspek ng kasong paglabag sa RA 9165 o Comprehensive Dangerous Drugs Act of 2002. (MICKA BAUTISTA)
