Saturday , May 28 2022

Ping isiniwalat kung paano nilabanan ang tukso ng katiwalian

Mahaba na ang listahan ng mga sitwasyong sumubok sa integridad ni Partido Reporma presidential candidate Ping Lacson pero kabilang sa mga hindi niya malilimutan ang ibinaba niyang kautusan na magpapabaril siya kung masasangkot sa iligal na aktibidad tulad ng ‘jueteng.’

Inilahad ni Lacson ang isang yugto sa kanyang karera bilang pulis nang bumisita siya sa Sta. Cruz, Laguna kamakailan kasama ng running mate niya na si Senate President Tito Sotto at kanilang mga senatorial candidate.

Ayon kay Lacson, bago siya naging hepe ng Philippine National Police ay naging provincial director din siya sa Laguna. At para patunayan ang prinsipyo niya na ‘leadership by example,’ naglabas siya ng direktiba sa kanyang mga tauhan na maaari siyang itali at barilin sa kanilang flagpole.

“Kinausap ko ‘yung aking mga tauhan—mga opisyal, mga sundalo, mga pulis. Sabi ko sa kanila, ganito, lahat tayo hindi pwedeng tumanggap galing sa jueteng. At kapag ako ang inyong provincial director ay nalaman ninyo na tumanggap sa jueteng, nandiyan ‘yung flagpole, itali niyo ako diyan, barilin niyo ako,” hamon ni Lacson.

“Paano ako ngayon matutukso pa para tumanggap sa jueteng? E kung barilin ako ng aking mga pulis, itali ako sa flagpole?” aniya.

Sinabi ni Lacson na umabot sa P1.8 milyon kada buwan ang inalok sa kanya ng mga jueteng lord kapalit ng kanyang pananahimik sa kanilang iligal na sugalan.

“Walang gagawin, just look the other way, huwag manghuli—‘yun lang. Alam niyo, kapag kayo ay nagkuwenta—ang ginagawa ko kasi, hindi ako nagkukuwenta, kasi doon kayo matutukso; P1.8-million, sabihin niyo nang P1-million isang buwan—buwan hindi taon. Kung maka-dalawang taon kayo rito, 24 months, ‘di ba? Aba, kung magkukuwenta kayo, medyo malaki-laki. Baka hindi kayo makatulog sa gabi,” ayon sa presidential candidate.

About hataw tabloid

Check Also

Bongbong Marcos Sara Duterte Proclamation

Marcos – Duterte tandem iprinoklama na NBoC sa Kamara

ni Gerry Baldo Iprinoklama ng National Board of Canvassers ngayong hapon ang tandem nila Bong …

Jomari Yllana, Abby Viduya, Priscilla Almeda

Abby masaya sa pagwawagi ni Jomari

MATABILni John Fontanilla MASAYANG-MASAYA si Abby Viduya sa pagkapanalo ni Jomari Yllana bilang councilor ng District 1 ng  Parañaque. …

Vice Ganda

Nasaan na nga ba si Vice Ganda?

HEY! Hey! Hey! What happened na sa mga artistang sumampa sa entablado with matching grand …

Mercraft 2 RORO fire Real Quezon

Sa Real, Quezon
7 PATAY, 23 SUGATAN SA NASUNOG NA RORO

PITONG pasahero ang namatay habang 23 ang sugatan nang masunog ang Mercraft 2, isang roll-on-roll-off …

Senate Congress Comelec Election Certificates of Canvass

NBoC panel sa senado kompleto na

BUO na ang hanay ng mga senador para sa pitong-miyembrong panel ng bicameral National Board …