Rayver naka-move on na — ‘Pag nagmahal dapat marunong ka rin tumanggap ng sakit 

MA at PA
ni Rommel Placente

SA panayam ni Nelson Canlas kay Rayver Cruz para sa 24  Oras, sinabi ng aktor na naka-move on na siya sa hiwalayan nila ni Janine Guttierez.

Sabi ni Rayver, “Okay na ako, eh. Naka-move on na ako, 2022 na. Masasabi ko na naka-move on na ako. I’m happy.

“’Pag nagmahal ka, hindi naman… dapat marunong ka rin tumanggap ng sakit sa mga circumstances na puwedeng mangyari,” paliwanag ng aktor.

Nilinaw pa ni Rayver na walang third party involved sa break-up nila ni Janine.

“Kinaklaro ko po, there was no third party involved, especially on my end,” diin ni Rayver.

December 2021, nausisa si Janine sa It’s Showtime kung ipinagpalit ba siya ni Rayver sa ibang babae. Sagot ng aktres ay, “wala namang ganern.”

So, kung ganyan ang sagot ni Janine, ibig sabihin, hindi totoo ang lumalabas na balita na si Julie Anne San Joseang dahilan kaya nagkanya-kanya na sila ng landas ni Rayver, ‘di ba? Si Julie Anne nga kasi ang sinasasabi na third party.

Pero mayroon din naman na nagsasabi na si Paulo Avelino ang dahilan sa parte naman ni Janine. Mula nang magkasama raw kasi ang dalawa sa seryeng Marry Me, Merry You, sinasabing nagkamabutihan sila.

So, wala rin itong katototohanan since sinabi nga ni  Rayver na walang third party sa break-up nila ng dalaga ni Lotlot de Leon.