Ursula Ortiz abala sa negosyong lip tint

HARD TALK
ni Pilar Mateo

SI Ursula Ortiz.

May nakakaalala pa ba sa kanya? May nauna sa kanya. Si Rosanna Ortiz.

Pareho silang maganda at sexy.

Ano-ano ba mga pelikulang maaalala sa kanya?

“’Yung last ko na ginawa nakalimutan ko na. Pero in-introduce ako sa movie ni Ms. KARLA ESTRADA. Sa ‘Kakaibang Karisma.’

“Ang launching movie ko po ‘yung ‘Nananabik Sa Iyong Pagbabalik’ with Kuya Tonton Gutierrez. Ang sumunod ay ‘yung ‘Nag-Aapoy na Dagat with Julio Diaz, ‘Pilya’ with Kuya Rey ‘PJ’ Abellana,

“’Wala Ka Ng Lupang Tatapakan’  with Kuya Roi Vinzon and  Kuya John Regala, ‘Isa Lang Ang Dapat Mahalin’  with Kuya Daniel Fernando, ‘Akin Ka Lang’  with Bro. Carlos Morales, ‘Uod sa Laman’  with Ms. Criselda Volks and ‘ Nag-Iinit na Damdamin with Ms. Ana Capri. Nakalimutan ko na po ang iba…Haha.”

Hindi na nga umaarte si Ursula pero kung may darating na offer eh, gagawin pa rin niya. For the now, sa TikTokna lang muna siya umaarte.

“Nag-start ako sa TV commercials at print ads at nag-model po. Sa ‘Eat…Bulaga!’   rin ako nagsimula. Nanalo ako sa Beautiful Girl (1993) at nakahakot ako ng awards. Proud lang po (Miss Telegenic, 2nd Place Beautiful Girl 1993). Nakuha ko rin ang award as Miss Desire Tawas kaya nakagawa ako ng commercial and print ads for ‘Eat…Bulaga!’

“Sa print, nag-model naman ako for Bossini Jeans PH and Apparel, Rebisxo, SMB Jank N’ Jill at marami pa. Pero ‘yan po ang mga memorable. Naging Miss Metro Manila po ako in 1994  at Best in Long Gown ang nakuha kong award.

“Sa TV sa ABS-CBN at GMA-7 ako nakakalabas with the help of Tita Angge na naging handler ko and Tito Eugene Asis and Daddy Mar D’Guzman (R.I.P.)

At kahit naman sa halos mga sexy films ito sumalang noon, hindi siya nagkaroon ng frontal nudity.

Nag-focus na si Ursula sa pamilya niya nang mawala sa eksena. Kaya magpa-hanggang ngayon, mga mumunting negosyo ang ginagawa niya. Lalo sa pagpapaganda.

“Katuwaan at libangan lang itong Princess Melody lip tints. At ang mga kaibigan at kakilala ko ang nagiging suki ko.

“Marami pong naidulot sa akin ang pandemya. Unang-una po sa lahat mas lalo po ako napalapit sa Diyos. ‘Yung dati na pagiging madasalin ko noon, mas naging triple pa ang naging pagdarasal ko kasi ang dami-rami ko po kasing kinatakutan. Hindi lang po halata kasi medyo makulit po talaga ako at may pagka-isip bata. Haha. Pero  masayahin lang ako talaga.

“Ang mga bagay pa po na naidulot  sa akin ng pandemya eh, mas lalo ko po binigyan ng oras at panahon ang aking mga magulang at kapatid. Medyo natuto na po ako magpatawad sa mga taong nagkasala sa akin.. medyo lang po ha. Hehe. Wala naman pong perpekto ‘di po ba? Tao lang din po ako nasasaktan at nasasaktan pa rin hehehe joke po.”

Naaliw ako at pinadalhan niya ako ng samples ng kanyang lip tints at eyebrow soap din. Ngayon ko lang na-encounter ito. Kakaiba ang packaging. Kaaya-aya.

The seven variants ng lip and cheek tints ng Princess Melody are Princess, Susan, Marlyn, Ella, Mahal, Mhika at syempre Ursula!

Visit her FB page for more info. 

Sana nga umarte pa siya uli!