NSYA tinatamad magtrabaho ‘pag inlab

MA at PA
ni Rommel Placente

ANG Ilan sa mga artista kahit maganda/gwapo at may talent, hindi umuusad ang career o sumisikat. Minsan kasi ay sila mismo ang dahilan o may kasalanan.

Tulad nitong isang not-so-young actress (NSYA). Maganda siya at mahusay umarte, pero hindi sumisikat-sikat kahit matagal na sa showbiz. Mas inuuna ang pag-ibig. 

Kapag naii-inlove siya, ay ayaw niya nang magtrabaho. Mas ginugusto na nakakasama na lang lagi o nasa piling ng boyfriend. Ito tuloy ang nagiging kalawang o balakid sa kanyang career.

Noong pumipik-ap na ang career nitong NSYA, na-inlove uli after ng huling nakipagrelasyon. Instead na mas ganahan magtrabaho dahil inspired ay ayaw tumanggap ng trabaho. Nagagalit na tuloy sa kanya ang mismong ina at ang kanyang management. Mas pinipili talaga niya ang lovelife over career. Kaya nga ayun, naunahan pa siya ng ibang mga baguhang artista na sumikat.