HATAW! D'yaryo ng Bayan hatawtabloid.com
PABONGGAHAN
ni Glen P. Sibonga
NAGKAIYAKAN sina Regine Velasquez, Zsa Zsa Padilla, at Angeline Quinto matapos ang production number nila na nagsilbing baby shower para sa huli sa ASAP Natin ‘To noong Linggo.
Na-feel kasi nina Regine at Zsa Zsa ang kasiyahan ni Angeline ngayong malapit na ring itong maging isang ina.
“Kasi naman we’ve seen her grow, as an artist, as a person, and now you’re about to become a mom,” sabi ni Zsa Zsa.
“Welcome to the world of motherhood,” pagbati naman ni Regine. “We are all here, your family, with you, not to mention, God.”
Aminado si Angeline na nagbago na ang pananaw niya sa buhay ngayong nagdadalantao siya.
“Ngayon, hindi na importante sa akin ‘yung materyal na bagay. Ang importante sa akin, may nagagawa ako para sa magiging future ng bata,” ani Angeline.
Bilang mga ina, pinayuhan din nina Regine at Zsa Zsa si Angeline.
“’Di ba we doubt ourselves, ‘Am I gonna be a good mom?‘” bulalas ni Regine. “Ang payo ko sa iyo, walang ganoon. We all learn from our experience. Kasi wala namang formula eh. So, we just do our best to be a good mother, a good provider. And to hopefully teach lessons that we learned also, tayo, growing up. ‘Yun lang ‘yun.”
Dagdag naman ni Zsa Zsa, “And you’ll be surprised ha, ‘pag lumaki-laki na rin ang anak mo may matututunan ka rin sa kanya.”
Sa huli, nagbigay ng mensahe si Angeline para sa kanyang baby.
“Kahit anong mangyari… katulad din ng sinasabi ko kay Mama Bob dati noong buhay pa siya… kahit anong mangyari kami lang talaga ‘yung magtutulungan. Pagdating ng panahon kung sakaling hindi ko na kaya, pipilitin ko pa rin para sa kanya. Kahit anong mangyari talagang ipaglalaban ko itong batang ito,” madamdaming pahayag ni Angeline na nagpaiyak na naman kina Regine at Zsa Zsa.
