Janella sa mga nanghihinayang sa kanya — I’m still me, I’m still who I am

MA at PA
ni Rommel Placente

SA guesting ni Janella Salvador sa Youtube channel ni Ogie Diaz, ay sinabi niya na hindi siya sayang, gaya ng sinasabi ng ibang netizen after niyang mabuntis at magkaanak. Na umano ay malaki ang naging epekto nito sa kanyang showbiz career.

Sabi ni Janella, “Roon ako nati-trigger. Kasi, hindi naman ako sayang, eh. I’m still me. I’m still who I am. I’m still Janella Salvador. I can still sing. I can still act. I can still work. Bakit sayang, ‘di ba?

“Wala naman nabago sa ‘kin so walang sayang. ‘Pag naging nanay ka na, hindi ka sayang. I can still do everything that I want to do. Na-delay lang nang kaunti, pero kaya ko pa rin gawin and gagawin ko pa rin.” 

Ayon pa kay Janella, ang pagiging isang ina ay hindi nangangahulugan na ang buhay ay over na.

“I’ve never felt more alive. Parang ngayon nagsisimula ‘yung buhay ko, ngayon na kasama ko na si Jude (anak nila ni Markus Paterson). Katabi ko na si Jude,” aniya pa.

Ipinaliwanag pa ng aktres na walang problema sa pagiging isang ina kung ikaw ay ready na at magiging isang mabuting magulang.

“Some people still look down on it pero ang sa akin, as long as you are a good parent, as long as you are a good mom, you’re financially able to raise your child, emotionally ready ka, walang problema.”