HATAW! D'yaryo ng Bayan hatawtabloid.com
MA at PA
ni Rommel Placente
SA guesting ni Joshua Garcia sa isang Kumu Live session ng ABS-CBN kamakailan, tinanong siya ng hosts ng programa kung sino sa mga Kapamilya actress ang nais maging textmate.
Ang sagot niya ay si Ivana Alawi.
Sabi ni Joshua, “Naka-chat ko na siya before, pero chat lang, wala namang malisya.
“Pero wala namang kahit ano. Ano lang, text lang. Textmate, eh.
“Pero hindi kami nagka-text nang matagal. Mas tawag. Mas tawag ako kaysa text, eh.”
Inamin din ni Joshua na nagkausap sila ni Ivana noong Disyembre.
“Before, I think last month pa iyon, parang ganoon.
“Ngayon ‘di pa kami nagka-text uli. Pero okay lang,” aniya pa.
Sa tanong kay Joshua kung jojowain o totropahin niya si Ivana, ang sagot niya, “Siyempre, jojowain. I mean, come on, choosy ka pa ba?
“I mean, mabait, maganda, sexy.
“Lahat sinabi na.
“Magiging choosy ka pa ba roon?”
Pero dagdag niya, ayaw niyang pangunahan ang mga puwedeng mangyari.
“Hindi kasi lahat ng tao masasabi mong meant para maging magkarelasyon, eh.
“May parang nakatadhana sa iyo na mami-meet mo lang para maging kaibigan mo, kasi hindi mo masasabi.”
Kung type ni Joshua na jowain si Ivana, aba, eh ligawan niya na ang dalaga.
Base naman kasi sa mga past interviews ni Ivana ay mukhang type niya rin si Joshua. Kinikilig kasi siya kapag nababanggit sa kanya ang ex ni Julia Barretto.
