Mark Anthony at Claudine walang ilangan sa Deception

MATABIL
ni John Fontanilla

AFTER 27 years, muling nagtambal sa pelikula ang ex-couple na sina Mark Anthony Fernandez at Claudine Barretto sa pelikulang Deception hatid ng Borracho Film Production at Viva Films na idinirehe ni Joel Lamangan.

Huling nagtambal sina Claudine at Mark sa pelikulang Mangarap Ka na ipinalabas noong 1995, kaya naman nang i-offer sa kanila ang drama-mystery film na Deception, ‘di na sila nagdalawang-isip at agad nila itong tinanggap.

Ayon kina Claudine at Mark, matagal na nilang gustong magkatrabaho. At kahit medyo matagal na hindi nagkasama sa trabaho ay wala namang ilangan na nangyari nang sumabak na sila sa shooting. Nakatulong ‘yung past relationship nila para magampanan ng maayos at makatotohanan ang kani-kanilang character na ginagampanan.

Kaya naman naging smooth at walang aberya ang kanilang shooting at napakaganda ng kinalabasan. 

Sobrang nagpapasalamat sina Claudine at Mark Anthony kay Atty. Topacio ng Borracho Film Production dahil natupad ang pareho nilang pangarap na magkatrabaho muli.

Mapapanood na sa Jan. 28 ang Deception  sa  Vivamax.