Bianca, Ysabel, Gabbi, Sanya, Khalil, Derrick, Miguel, at Ruru tiyak ang pag-sparkle ng mga career

RATED R
ni Rommel Gonzales

SA ginanap na media conference ng Sparkle’s next brightest stars for 2022, nagbigay ng payo ang kilalang pillar sa showbiz industry na si Johnny Manahan o Mr. M.

Ang online media conference na ito ay ginanap nitong January 14 na ipinakilala sina Bianca Umali, Ysabel Ortega, Gabbi Garcia, Sanya Lopez, Khalil Ramos, Derrick Monasterio, Miguel Tanfelix and Ruru Madrid bilang susunod na brightest stars ng 2022.

Ayon kay Mr. M, para mag-sparkle ang isang artista sa mundo ng showbiz ay kinakailangan nitong harapin ang lahat ng challenges at maging handa na magtrabaho nang mabuti.

“If you want Sparkle, you have to up your game. It means that you have to do more work.”

Dugtong pa ni Mr. M, kailangan din na patuloy lamang sa pag-i-improve ng talento kapag nasa mundo ng showbiz.

“You have to hone, you have to sharpen, you have to varnish your craft so that you’ll sparkle.”

Isa pa sa pinag-usapan sa media conference ay ang pahayag ni Mr. M kung bakit kinilala sina Bianca, Ysabel, Gabbi, Sanya, Khalil, Derrick, Miguel, at Ruru bilang brightest stars of 2022.

“Actually,’yang walo na ‘yan, magagaling ‘yan. That’s why we picked them to be part of the gang of eight for Sparkle.”

Dugtong pa ni Mr. M ay mayroon silang characteristics para mag-sparkle sa industriya at patuloy nilang gagabayan ang mga ito sa kanilang mga career.

“Ang masasabi ko lang dito, magaganda silang lahat, magagaling, and they are very smart. We just guide them, they do their thing. Nandiyan lang kami para gabayan sila.”