Regine nakiusap itigil at ireport socmed ni Nate

HARD TALK
ni Pilar Mateo

PATI ba naman si Nate? Pakiusap ng isang ina. Ng Asia’s Songbird. Ni Regine Velasquez.

“Hi guys makikiusap sana ako na kung may makita kayong mga account sa pangalan ni Nate please help me report them. 

“Actually marami ng accounts ang ginawa for Nate sa Facebook sa IG na walang pahintulut namin. Alam ko naman na basta na post na ang pictures eh kahit sino pwede na gamitin yun. Pero hindi ibigsanihin nun na ok lang sakin o sa asawa ko. 

“Hindi ko na lang pinapansin yung ibang account kasi ang hirap din for us na hanapin pa lahat. You can post naman his pictures kasi nga like i said once ma post hindi na talaga mapipigilan. I guess hindi ako masyadong comfortable sa mga gumagawa ng accounts para sa kanya. 

“Hindi naman sya artista kaya hindi ko talaga maatim itong mgs accounts na Ito. Sorry but im just trying to protect my son. So please please if you guys don’t mind stop na. 

“Itong tiktok account na to ilang beses ko na Ito Ini report and I’m gonna keep reporting you or whoever na gagawa pa ng iba pang account para kay Nate. 

“If you guys noticed I hardly post his pictures na kasi nga bininigyan na namin sya ng privacy. Again nakikiusap ako na pag may makita kayong account ni Nate please report and don’t follow na. God Bless ”

Napakarami nilang isini-share na mag-asawa. Maaaliw ka nga at pagmulat pa lang ng mga mata nila, kung ano-ano na ang naibabahagi nina Regine at Ogie Alcasid sa kanilang posts. Especially things that have to do something with their respective works!