Puganteng kawatan sa Mabalacat nasukol

NADAKIP ng mga awtoridad ang itinuturing top 1 most wanted person (MWP) ng lungsod ng Mabalacat, lalawigan ng Pampanga nitong Sabado, 15 Enero.

Armado ng warrant of arrest, nagsadya ang pinagsanib na elemento ng Mabalacat City Police Station na pinamumunuan ng kanilang hepeng si P/Lt. Col. Heryl Bruno, 302nd MC RMFB-3 Polar base, 2nd PMFC Mabalacat Patrol Base at Naval Intelligence Security Group- North Luzon sa Madapdap Resettlement, Brgy. Dapdap, sa nabanggit na lungsod, kung saan nila nadampot ang suspek na kinilalang si Kenneth Samia, residente sa naturang lugar.

Inaresto si Samia sa bisa ng warrant of arrest para sa kasong “Robbery in an inhabited house or public building or edifice devoted to worship” na walang itinakdang piyansa na nilagdaan presiding judge Rodrigo Del Rosario, ng Angeles City RTC Branch 11, may petsang 15 Disyembre 2021. (MICKA BAUTISTA)