Janitor nandekwat ng donasyon sa simbahan, arestado

Nadakip ng mga awtoridad ang isang lalaki matapos nakawin ang laman ng donation box sa isang simbahan sa lalawigan ng Nueva Ecija.

Sa ulat mula sa Nueva Ecija PPO, kinilala ang suspek na si Robert Quijano, alyas “Iking”, 44 anyos, isang janitor sa simbahan.

Ayon sa mga awtoridad, nakita sa kuha ng CCTV ang ginawa ng suspek kung saan binuksan niya ang donation box gamit ang isang susi saka kinuha ang perang aabot sa P600.

Hindi na nakapiy0k ang suspek nang arestuhin ng pulisya na at kasalukuyan nang nakakul0ng habang nakatakdang sampahan  ng kasong Qualified Theft. (Micka Bautista)