Quizon CT aarangkada na sa January 9, sa NET25

Nonie Nicasio January 5, 2022 Entertainment, TV & Digital Media

ALAM MO NA!
ni Nonie Nicasio

ANG ‘Quizon CT’ o Quizon Comedy Theater’ ang pinakabagong gag show ng NET25 na punong-puno ng mga nakakatawa at nakakaaliw na jokes at punchlines, ay aarangkada na sa January 9, 2022 at tuwing Linggo, 8:00 PM.

Literal na pinagsama ang ‘laugh’ at ‘trip’ sa comedy show na ito na tiyak na kagigiliwan ng mga Pinoy.

Pinagbibidahan ito ng mga anak ng “King of Comedy na si Mang Dolphy, na sina Eric Quizon, Epi Quizon, at Vandolph Quizon.

Kabilang din sa main cast ng programa ang misis ni Vandolph na si Jenny Quizon. Tampok din sa gag show sina Martin Escudero, Bearwin Meily, Gene Padilla, Garry Lim, Tanya, Charuth, at Billie Hakenson.

Base sa nakaka-aliw na teaser nito, hindi dapat palampasin ang Quizon CT every Sunday, kung gusto ninyong magtanggal ng stress at maglibang nang todo bago simulan ang panibagong week.

Ang naturang palabas ay sa direksiyon nina Eric at Epi. Bagong taon, bagong barkada ang magpapatawa sa inyo linggo-linggo! Tumutok na sa January 9!