GMA may malalaki at bagong pasabog ngayong 2022

RATED R
ni Rommel Gonzales

SA pagpasok ng Bagong Taon, may mga bago at malalaking pasabog ang GMA Network para sa mga Kapuso.

Kabilang na rito ang mga kina­aa­ba­ngang GMA Telebabad at Afternoon Prime shows, tulad ng Mano Po Legacy, First Lady, Lolong, Sang’gre, Prima Donnas Season 2, at Artikulo 247.

Patuloy pa rin ang Kapuso Network sa pagiging “The Heart of Asia” sa international series tulad ng My Husband-In-Law, Now, We Are Breaking Up, Yumi’s Cells, The Wolf at marami pang iba.

Hindi rin mawawala ang mga game at variety show na magbibigay-saya sa weekend, tulad ng Family Feud Philippines, Running Man Philippines, at Sing For Hearts.

Tiyak ding aabangan ang live-action Philippine adaptation ng Voltes V na Voltes V: Legacy.